İngilis dilini necə öyrənmək olar?
İngilis dili dünyada ən çox öyrənilən ikinci dildir. Bəs əgər ingilis dilini tez öyrənmək lazımdırsa, nəticəyə aparan ən asan yol hansıdır?
İngilis dili öyrənmək çətin bir proses kimi görünsə də, sizə daha sürətli öyrənmək üçün edə biləcəyiniz bir çox yollar hazırladıq. Və ən yaxşısı, biz onları mümkün qədər əyləncəli və sadə saxlamağa çalışdıq!
Netlixə baxın! – Bəli doğru gördünüz 🙂 İlkin dövlərdə anlamaqda çətinlik çəksəniz alt yazıdan (subtitle) istifadə edə bilərsiniz. Daha sonra alt yazını bağlayaraq həm listening(qulaq asma) həm də pronunciation(tələffüz) inkişaf etdirə bilərsiniz.O, həmçinin yerli ifadələri öyrənməyə, yumoru başa düşməyə kömək edir və nəhayət, ingilis dilinin normal sürətlə danışıldığını başa düşməyə başlayacaqsınız!
Qeyd dəftəri tutun! – İngilis dili öyrənmək üçün harada olursunuzsa olun, özünüzlə qeyd dəftəri aparın (yaxud texniki vasitələr üstünlük verirsinizsə, telefonunuzun qeydlər bölməsindən istifadə edin) və gördüyünüz və eşitdiyiniz hər hansı yeni sözləri yazın. Daha sonra bu sözlərin mənasını axtarın və onları cümlələrdə necə istifadə edə biləcəyinizi öyrənin. Bununla siz öyrəndiyiniz hər hansı yeni sözləri yaddaşınızda möhkəmləndirəcək, onları praktikada tətbiq edə biləcəksiniz və ingilis dilini öyrənmə prosesini sürətləndirəcəksiniz.
Uşaq kitabları oxuyun – İngilis dilini daha sürətli öyrənmək üçün, xüsusən ilk başladığınızda, uşaq kitablarını oxumaqla başlayın. Onlar nəinki gözəl görünürlər, uşaq kitabları da çoxlu təkrarlarla sadə qrammatika və lüğətdən istifadə edir; onları oxu təcrübənizə başlamaq üçün mükəmməl başlanğıc halına gətirir.
Lüğət siyahınızı təkrarlayın! – Əgər öyrəndiyiniz sözləri yadda saxlamaqda çətinlik çəkirsinizsə, aşağıdakı nümunə olaraq göstərdiyimiz proqramlardan istifadə edərək sözləri təkrar edin:
- Tinycards
- Memrise
- Word Power Lite
- Quizlet
Yaxşı xəbər istəyirsiniz? J Qərbi Ontario Universitetinin professoru müəyyən edib ki, normal həyatda danışılan dilin 75%-ni başa düşmək üçün ən çox istifadə olunan 800-ə yaxın sözə ehtiyacınız var.
Bütün cümlələri öyrənin! – Sözləri ayrı-ayrılıqda öyrənmək qədər bütün cümləni öyrənmək də bir o qədər faydalıdır. Belə ki, xoşunuz gələn kitablardan,filmlərdən,mahnılardan kiçik,yadda saxlanıla bilən cümlələri yazın və əzbərləyin.
Mahnılara qulaq asın! – Əgər dil öyrənərkən sıxılırsınızsa, sevdiyiniz müğənninin favori mahnılarını daima qulaq asın və google’da lyrics (mahnı sözləri) yazıb axtarış edib başa düşmədiyiniz cümlələri oradan əldə edə bilərsiniz.
Film və seriallara baxın! – Televiziya seriallarına baxmaq ingilis dilini öyrənməyin ən yaxşı yollarından biridir, bəs ən yaxşı verilişlər hansılardır? Aparılan araşdırmalara görə, tələbələrinin ingilis dilini öyrənmələrinə kömək etmək üçün seçdikləri ən populyar 5 şou aşağıdakılardır:
- Friends (tələbələrinin 26%-nin izlədiyi ən çox baxılan şou!)
- How I Met Your Mother
- CSI
- House
- The Big Bang Theory
Ana dili ingilis dili olan insanlarla(native speakers) danışın! – Bir dildə danışmaq onu oxumaqdan və ya yazmaqdan daha yaxşı effekt göstərir.Qeyri-rəsmi dil mübadiləsi üçün ana dilində danışanları axtarın, kursa yazın və ya onlayn dərslər keçin. İngilis dilini öyrənməyin daha qabaqcıl aspektlərini araşdırmağa başladığınız zaman fikirlərinizi, nailiyyətlərinizi və məyusluqlarınızı digər insanlarla bölüşmək çox həvəsləndirici ola bilər.
Telefonunuzun və sosial media parametrlərinizi İngilis dilinə dəyişin! – Əksəriyyətimiz hər gün telefonlarımıza baxaraq, məqsədsiz şəkildə fırlanaraq saatlarla vaxt keçiririk. Telefonunuzdakı parametrləri ingilis dilinə dəyişmək özünüzü bu dilə qərq etməyin çox asan yoludur.
Bəyəndiyiniz, sevdiyiniz dünyaca məşhur ulduzları araşdırın! – Bəyəndiyiniz doğma ingilisdilli aktyor və ya müğənnini seçməklə öyrənmənizə başlayın. Online olaraq, onların verdiyi müsahibələri tapın və onlara baxın. Bir dəfə mahiyyət üçün baxın, sonra eşitdiyiniz maraqlı ifadələri və sözləri qeyd etmək üçün vaxt ayırın. Bu müsahibədən çıxan jarqon, hekayələr, yumor və lətifələr sizə öyrənmək üçün çox şey verəcəkdir.
Çəkinməyin! – Səhv etməkdən çəkinməyin. Öyrəndiyiniz çox az sözlərlə belə cümlə qurun,danışın,hətta yazışın.(tələffüzdə,cümlə quruluşundə səhv etsəniz belə) Unutmayın ki, heç kim ilkin olaraq fluent(səlis) ingilis dilində danışmır. 🙂
Qarşınıza məqsəd qoyun! – Yadınızda saxlayın,İngilis dili öyrənməyin asan yolu yoxdur. Həvəsdən düşməyin və özünüzdən əmin olun. Bununla bağlı qarşınıza motivasiya qoyun.